Yuxarı

​Burkina-Fasoda oteldə girov götürülən 30 nəfər azad edilib

Onların arasında bir nəfər nazir də var

Bakı. 16 yanvar. REPORT.AZ/ Burkina-Fasoda biri nazir olmaqla təqribən 30 nəfər hüquq-mühafizə orqanları tərəfindən azad edilib.

"Report" xəbər verir ki, bu barədə RİA "Novosti" məlumat yayıb.

Bundan əvvəl isə hərbçilərin "Əl-Qaidə" terrorçuları tərəfindən ələ keçirilmiş otel binasında əməliyyata başladıqları bildirilmişdi.

Gecə saatlarında Qərbi Afrika ölkəsinin paytaxtı Uaqaduquda yerləşən "Splendid" mehmanxanasına silahlı hücum nəticəsində 20 nəfər həyatını itirib. İnsidet nəticəsində, həmçinin 15 nəfər odlu silah yarası və travma alıb. Terror aktına görə məsuliyyəti "Əl-Qaidə" terror təşkilatı öz üzərinə götürüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi