Bundesrat Almaniyada yanacaq vergisinin azaldılmasını təsdiqləyib

Bundestaqdan (parlament) sonra Bundesrat (Almaniya federal torpaqlar palatası) hakim koalisiyanın yanacağın qiymətlərinin artması fonunda avtomobil yanacaqlarına vergi yükünün azaldılması ilə bağlı qanun layihəsini təsdiqləyib.

Bu barədə "Report" DPA-ya istinadən xəbər verir.

Məlumata görə, sənəddə benzin və dizel yanacağına enerji vergisinin litri 14,04 sent azaldılmasını nəzərdə tutur. ƏDV nəzərə alınmaqla, vergi güzəştinin ümumi məbləği litr üçün təxminən 17 sent olacaq.

Qərarın 1 oktyabrda qüvvəyə minməsi planlaşdırılır. Onun son təsdiqi üçün Almaniya Prezidenti Frank-Valter Ştaynmayerin imzası lazımdır.