Yanğınlar Avropada azı 700 min hektar meşəni məhv edib

Bu ilin yay fəslində yanğınlar Avropada azı 700 min hektar meşə sahəsini məhv edib ki, bu da tarixdə maksimum sayılır.

“Report” xəbər verir ki, bu barədə “Copernicus” peyk monitorinqi proqramının ekspertləri bildirib.

Məlumata görə, bu yay Aİ ölkələrində 1991-ci ildən indiyədək ən isti yay olub.

“Yay aylarında havanın temperaturu 1991-2020-ci illərlə müqayisədə orta hesabla 1,34 dərəcə isti olub”, - hesabatda deyilir.

Daha əvvəl Avropa Komissiyasının Birgə Araşdırma Mərkəzi Avropanın son beş əsrin ən güclü quraqlığını yaşadığını açıqlamışdı. Təbii fəlakət səbəbindən Aİ ölkələrinin əksəriyyətində xəbərdarlıqlar edilib və ya həyəcan siqnalı verilib.