Bu gün Senat Trampın impiçmenti çərçivəsində ittihamların müzakirəsinə başlayacaq

Digər ölkələr

15 yanvar, 2020
23:35

Bu gün Senat Trampın impiçmenti çərçivəsində ittihamların müzakirəsinə başlayacaq

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

ABŞ Senatı bu gün prezident Donald Trampın impiçmenti proseduru çərçivəsində ittihamların müzakirəsinə başlayacaq.

“Report” RİA “Novosti”yə istinadən xəbər verir ki, bu barədə respublikaçı əksəriyyətin lideri Mitç Makkonel bildirib.

Senatda çıxış edən Makkonnell bildirib ki, yerli vaxtla günorta (Bakı vaxtı ilə saat 21:00-da) Nümayəndələr Palatasından olan ittihamçıları dinləyəcəklər. Palatanın üzvləri Tramp əleyhinə ittiham maddəsini senatorlara təqdim edəcəklər.

Həmin gün senatorların məhkəmə iclasçıları rolunu oynayacağı Senatda işə baxacaq Ali Məhkəmənin başçısı da and içəcək.

Nümayəndələr Palatası çərşənbə günü Trampın impiçmenti haqqında işin Senata göndərilməsinə səs verib.