Britaniyada qasırğa 20 mindən çox insanı işıqsız qoyub

Bakı. 3 yanvar. REPORT.AZ/ Böyük Britaniyada cərəyan edən "Eleanor" qasırğası nəticəsində yanvarın 3-nə keçən gecə 20 mindən çox ev təsərrüfatı elektrik enerjisindən məhrum olub.

“Report” xəbər verir ki, hazırda elektrik enerjisi verilişi qismən bərpa olunub.

Mərkəzi İngiltərəni elektrik enerjisi ilə təchiz edən "Western Power Distribution" şəbəkə şirkəti pis hava şəraiti səbəbindən yaranan problemi yerli vaxtla günorta saatlarına qədər aradan qaldırmağa çalışsa da, bu, mümkün olmayıb. Hazırda bu istiqamətdə işlər davam etdirilir.

Meteoroloqlar "Eleanor" qasırğasının Krallıq ərazisində hələ bir müddət davam edəcəyini proqnozlaşdırır.