Britaniyada iki nəfəri odlu silahla yaralayan şəxs saxlanılıb - YENİLƏNİB

Bakı. 17 mart. REPORT.AZ/ Britaniyada hamilə qadına və daha bir nəfərə atəş açaraq onları yaralamaqda şübhəli bilinən şəxs saxlanılıb.

"Report" xəbər verir ki, bu barədə "The Sun" məlumat yayıb. 

Bildirilir ki, polis onu hadisədən 2 saat sonra saxlayıb. Hazırda həkimlər vəziyyəti ağır olan hamilə qadını xilas etməyə çalışırlar.

Nəşrin mənbəyinin məlumatına görə atəş açan şəxs qadının sevgilisi olub. Onun yaraladığı şəxs isə zərərçəkənin əridir.

***03:05

Britaniyada atışma olub.

"Report" xarici mətbuata istinadən xəbər verir ki, bu barədə yerli polis məlumat yayıb.

Məlumata görə, hadisə Xorşem şəhərində baş verib. İnsident zamanı 1 nəfər xəsarət alıb. O, xəstəxanaya yerləşdirilib.

Polis hadisəni törədən silahlının axtarışına başlayıb. Asayiş keşikçiləri hadisəni terror aktı ilə əlaqələndirmirlər.

"Sun" qəzetinin məlumatına görə, xəsarət alan hamilə qadındır. Onun vəziyyəti ağırdır.