Yuxarı

Britaniyada 13 min insanın köləlikdə saxlandığı zənn olunur

Ötən il Britaniya rəsmiləri ölkədə qul vəziyyətinə düşmüş insan sayının 2744 nəfər olduğunu bildirmişdilər

Bakı. 29 noyabr. REPORT.AZ/ Böyük Britaniya Daxili İşlər Nazirliyinin təhlilinə əsasən ölkədə 10-13 min insanın qul kimi istismar olunduğu zənn edilir.

"Report" BBC-yə istinadən xəbər verir ki, bu rəqəmin əvvəl güman edilən rəqəmdən xeyli çoxdur.

"Müasir qul" deyəndə britaniyalı rəsmilər bu kateqoriyaya fahişəliklə məşqul olmağa məcbur edilən qadınları, evdən bayıra ayaq basmağa icazə verilməyən qadınları, borc asılılığına düşmüş insanları, fabrik, tarla, balıqçılıq gəmilərində ucuz işçi qüvvəsi kimi istismar olunanları aid edirlər.

Britaniya DİN rəsmilərinin sözlərinə görə, İngiltərədə kölə şəraitində yaşayan Albaniya, Nigeriya, Vyetnam və Rumıniya kimi dünyanın 100-dən çox ölkəsinin vətəndaşları ilə yanaşı Britaniyada doğulmuş uşaq yaşından tutmuş böyüklərədək insanlar arasında da qul kimi istismar olunanları var.

Ötən il Britaniya rəsmiləri ölkədə qul vəziyyətinə düşmüş insanların sayının 2744 nəfər olduğunu bildirmişdilər.

Britaniyada köləlik qurbanlarının sayı polis, sərhəd agentlikləri və xeyriyyə təşkilatlarından alınan məlumatlar əsasında hesablanır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi