Böyük Britaniyanın Ukraynadakı səfiri Melinda Simmons Kiyevə qayıtdığını açıqlayıb.
"Report" xəbər verir ki, bu barədə səfir tviter hesabında bildirib.
"Uzun səfər idi, lakin buna dəyər. Kiyevə qayıtmaq çox gözəldir", - Simmons yazıb.
Bununla da səfirlik adi qaydada fəaliyyətini bərpa edib.
Səfirlik fevralın ortalarında boşaldılandan sonra Britaniya diplomatları Ukraynadakı mövcudluğunu davam etdiriblər. Nümayəndə heyəti Lvovda işləyirdi, lakin konsulluq xidməti göstərmirdi.