Braziliyada sərnişin gəmisi qəzaya uğrayıb, 10 nəfər ölüb, 40-a yaxın sərnişin itkin düşüb

Bakı. 24 avqust. REPORT.AZ/ Braziliyada sərnişin gəmisinin qəzaya uğraması nəticəsində 10 nəfər ölüb, 40-a yaxın sərnişin itkin düşüb.

“Report” “İnterfax”a istinadən xəbər verir ki, hadisə ölkənin şimalında, Para ştatında, Şinqu çayında baş verib.

Gəminin göyərtəsində 70 nəfər olub, sərnişinlərdən 19-u xilas edilib.

Qəzanın başvermə səbəbi hələlik məlum deyil.