Braziliyada inflyasiya son 18 ilin maksimumuna çatıb

Braziliyada istehlak qiymətlərinin artım tempi 2021-ci ilin noyabrında sürətlənib.

“Report” “İnterfaks”a istinadən xəbər verir ki, pandemiyadan sonra iqtisadiyyatın bərpası, tədarük zəncirindəki problemlər və milli valyutanın dəyər itirməsi səbəbindən son 18 ilin maksimumuna çatıb.

Ötən ay qiymətlər 2003-cü ilin noyabrından sonrakı dövr üçün rekord səviyyədə 10,74% artıb.

Nəqliyyat xərcləri təxminən 22%, mənzil-kommunal xidmətlər 15,45%, ərzaq və içkilər 8,9%, geyim və ayaqqabılar 8,72% bahalaşıb.

Braziliya hökuməti bu il ÜDM-in 5,1% artacağını, inflyasiyanın isə 9,7% olacağını proqnozlaşdırır.