Braziliya Rusiya əleyhinə sanksiyalara qoşulmaq niyyətində deyil

Braziliya prezidenti Jair Bolsonaro ölkəsinin Rusiyaya qarşı sanksiyalara qoşulmayacağını bildirib.

Bu barədə “Report” “Bloomberg” nəşrinə istinadən xəbər verir.

“Biz bu iqtisadi sanksiyaları dəstəkləməyəcəyik, tarazlığı qoruyacağıq. Əgər biz bunu balanslaşdırmasaydıq, sizcə, Braziliyanın ehtiyac duyduğu gübrəni necə əldə edə bilərdik?”, - Bolsonaro əlavə edib.

Onun sözlərinə görə, Braziliya hakimiyyəti indi bəzi ölkələrlə dizel yanacağının endirimlə alınması ilə bağlı danışıqlar aparır. Lakin o, ölkələrin adını açıqlamayıb.