Braziliya polisi mütəşəkkil cinayətkarlıqla mübarizə məqsədilə genişmiqyaslı əməliyyat keçirib

Braziliyanın şimal-şərqindəki Salvador şəhərində polisin genişmiqyaslı əməliyyatı zamanı azı 6 şübhəli öldürülüb.

“Report” bu barədə yerli KİV-ə istinadən xəbər verir.

Qeyd olunub ki, son dövrlərin ən iri əməliyyatının hədəfi sentyabrda Salvadorda (Bahia ştatının paytaxtı - red.) əllərində azı 30 nəfərin öldüyü cinayətkar qruplaşmanın üzvləri olub.

Bütün əməliyyat zamanı 34 cinayətkar zərərsizləşdirilib, onlarla həbs qərarı verilib.