Böyük Britaniyanın BMT-dəki nümayəndəsi: "Suriyadakı münaqişəyə son qoyulmalıdır"

Bakı. 13 aprel. REPORT.AZ/ "Biz Suriya xalqının əzablarının qarşısını almaq üçün mümkün diplomatik variantlardan istifadə edərək 7 illik münaqişəyə son qoymalıyıq".

"Report"un xarici KİV-ə istinadən verdiyi xəbərə görə, bunu Britaniyanın BMT-dəki daimi nümayəndəsi Karen Pirs BMT Təhlükəsizlik Şurasının iclasında deyib.

"2401 saylı qətnamə Suriya ərazisində baş verən hərbi əməliyyatların dayandırılmasını və humanitar yardım göstərilməsinə imkan yaradılmasını tələb edir. Bu, Suriya xalqının əzablarına və 7 illik münaqişəyə son qoymaq üçün yeganə vasitədir".