Böyük Britaniyanın Baş naziri vəzifədən kənarlaşdırıla bilər

Bakı. 16 noyabr. REPORT.AZ/ Böyük Britaniya Baş naziri Tereza Meyin vəzifədən kənarlaşdırılması üçün rəhbəri olduğu Mühafizəkarlar Partiyasında addımlar atılmasına hazırlıq işləri görülür.

“Report” “Sky News” telekanalına istinadən xəbər verir ki, yaxın günlərdə baş nazirə etimadsızlıq məsələsinə dair səsvermə keçirmək nəzərdə tutulur.

Daha əvvəl hökumətdəki 18 rəsmi şəxsin Tereza Meyin "Brexit" məsələsindəki siyasətinə etiraz olaraq istefa verdiyi bildirilmişdi.