Böyük Britaniyada təlim keçmiş Ukrayna hərbçilərinin sayı açıqlanıb

Bu günə qədər “İnterfleks” əməliyyatı çərçivəsində Böyük Britaniyada 18 min Ukrayna əsgəri təlim keçib.

“Report” xəbər verir ki, bu barədə Böyük Britaniyanın Müdafiə Nazirliyi tviter səhifəsində məlumat yayıb.

Qeyd olunub ki, Böyük Britaniyanın rəhbərlik etdiyi ukraynalı könüllülərin piyada təlimi olan “İnterfleks” əməliyyatı bu günə qədər 18 000 əsgərə təlim keçib.

Nazirlik həmçinin qeyd edib ki, Ukrayna hərbçilərinə sağ qalmaq və dözümlü olmaq öyrədilir.