Yuxarı
    Bağlamaq

    Referendumun nəticələri açıqlandı: Böyük ​Britaniya Avropa İttifaqından çıxıb

    Səsvermədə iştirak edən seçicilərin 52 faiz Britaniyanın Avropa İttifaqından çıxmasına, 48 faiz isə qalmasına səs verib

    Bakı. 24 iyun. REPORT.AZ/ Böyük Britaniyanın Avropa İttifaqında qalıb-qalmayacağını müəyyənləşdirən referendumun nəticələri məlum olub. 

    "Report" xəbər verir ki, bu haqda BBC məlumat yayıb.

    Səsvermədə iştirak edən seçicilərin 52 faizi Britaniyanın Avropa İttifaqından çıxmasına, 48 faiz isə qalmasına səs verib. Beləliklə, Britaniya Avropa İttifaqından çıxıb.

    Bakı vaxtı ilə saat 13.00-da Britaniyanın baş naziri Devid Kemeron referendumun rəsmi nəticələri ilə bağlı bəyanatla çıxış edəcək.

    Məlumata görə, 46 milyon 501 min 241 seçicinin 72 faizi səsvermədə iştirak edib. 

    Xatırladaq ki, iyunun 23-də Britaniyada keçirilən referndumda seçicilər iki sualdan birini cavablandırıb: Birləşmiş krallıq Avropa İttifaqının üzvü olmalıdırmı? Birləşmiş Krallıq Avropa İttifaqından çıxmalıdırmı?

    Referendumda iştirak etmək üçün 46,5 milyon seçici qeydiyyatdan keçmişdi. Bu rəqəm Britaniya üçün rekord sayılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi