Boliviyada mikroavtobus dərəyə yuvarlanıb, 5 nəfər ölüb

Boliviyanın cənub-qərbində mikroavtobusun dərəyə yuvarlanması nəticəsində azı 5 nəfər ölüb.

“Report”un məlumatına görə, bu barədə “Sinxua” agentliyi yerli polisə istinadən xəbər verib.

Qeyd olunub ki, hadisə Potosi departamentində baş verib. Qəza nəticəsində daha üç nəfər yaralanıb.

Yaralananlar və ölənlər arasında departamentin rəsmi şəxsləri də var. Polis qəzanın səbəblərini araşdırmağa başlayıb.