BMT Yəməndə atəşkəsi bərpa etməyə çağırıb

Bakı. 6 yanvar. REPORT.AZ/ BMT Təhlükəsizlik Şurası Yəməndə vəziyyətin yenidən gərginləşməsindən narahatdır.

"Report"un "TASS" agentliyinə istinadən verdiyi xəbərə görə, Təhlükəsizlik Şurasının hazırkı sədri, Uruqvayın BMT-dəki daimi nümayəndəsi Elbio Roselli bildirib ki, münaqişə tərəfləri atəşkəsi bərpa etməli və yanvarın 14-də keçirilməsi nəzərdə tutulan sülh danışıqlarının növbəti raundunda iştirak etməlidir.

"BMT TŞ hesab edir ki, tərəflər artıq təxribat və zorakılıqdan çəkinməlidir. Beləliklə, mülki əhaliyə yardımın göstərilməsi də mümkün olacaq", - deyə E.Roselli qeyd edib.

Xatırladaq ki, Yəməndə atəşkəs dekabrın 15-də elan edilmişdi. Yanvarın 2-də Səudiyyə Ərəbistanının başçılıq etdiyi koalisiya təktərəfli olaraq bu razılaşmadan çəkildiyi bəyan etdi.