BMT TŞ bütün Suriya ərazisində atəşkəs haqqında qətnamə qəbul edib

Bakı. 25 fevral. REPORT.AZ/ BMT Təhlükəsizlik Şurası Suriyada 30 günlük atəşkəs və humanitar əməliyyatların aparılmasına dair qətnaməni yekdilliklə qəbul edib.

“Report” xəbər verir ki, sənədə əsasən, bütün tərəflər silahlı toqquşmaları dayandırmalı və bütün Suriya ərazisində uzunmüddətli humanitar fasiləni təmin etməlidir.

Bu addım humanitar yardımın maneəsiz çatdırılması və ağır xəstə və yaralıların təxliyyə edilməsi məqsədi ilə atılıb.