BMT Təhlükəsizlik Şurası Sudanda münaqişə tərəflərinə çağırış edib

Sudanda münaqişənin bütün tərəfləri dərhal atəşi dayandırmalı və dialoqa qayıtmalıdır.

“Report” xəbər verir ki, bu barədə BMT Təhlükəsizlik Şurasının bəyanatında deyilir.

“Təhlükəsizlik Şurasının üzvləri tərəfləri dərhal hərbi əməliyyatları dayandırmağa, sakitliyi bərpa etməyə və Sudandakı mövcud böhranın həlli üçün dialoqa qayıtmağa çağırıb”, - deyə bəyanatda qeyd olunub.

Qeyd edək ki, Sudanda xüsusi təyinatlı qüvvələrlə ordu birləşmələri arasında toqquşmalarda ölənlərin sayı 56-ya çatıb.