BMT nümayəndəsi Suriya məsələsinə dair görüşlər keçirəcək

BMT baş katibinin Suriya üzrə nümayəndəsi Geir Pedersen sabah Cenevrədə Türkiyə, İran və Rusiyanın xarici işlər nazirləri ilə görüşəcəyini açıqlayıb.

“Report” “Reuters”ə istinadən xəbər verir ki, bu barədə mətbuat konfransında Geir Pedersen özü məlumat verib.

“Biz bu mübarizənin bütün Suriyada, o cümlədən ölkənin şimal-şərqində və İdlibdəki problemləri aradan qaldırmağa kömək edəcək ciddi siyasi prosesə başlamağın vacibliyini göstərən yalnız daha bir sübut olduğuna inanırıq”, - BMT rəsmisi deyib.

Qeyd edək ki, hər üç adıçəkilən ölkənin xarici işlər nazirləri BMT diplomatı ilə görüş üçün Cenevrəyə gediblər. Oktyabrın 30-da ABŞ-ın himayəsi altında Cenevrədə 150 üzvü olan Suriya Konstitusiya Komitəsinin birinci iclası keçiriləcək.