BMT-nin baş katibi Təhlükəsizlik Şurasının səmərəsiz olduğunu etiraf edib

Bakı. 23 aprel. REPORT.AZ/ BMT-nin baş katibi Antoniu Quterriş Təhlükəsizlik Şurasının struktur problemlərinin olduğunu etiraf edib, həmçinin bildirib ki, soyuq müharibə geri qayıdır.

“Report” RİA "Novosti"yə istinadən xəbər verir ki, o bunu SVT telekanalına müsahibəsində deyib.

"Soyuq müharibənin qayıtdığı aydındır", - deyə baş katib bildirib.

Onun sözlərinə görə, hazırkı vəziyyət SSRİ dövründə olandan əhəmiyyətli dərəcədə fərqlənir.

"İndi ABŞ və Rusiya əvvəl olduğu kimi hamını idarə etmir. Regionda (Yaxın Şərq – red.) bir çox ölkələr olduqca fəaldır: Türkiyə, İran, Səudiyyə Ərəbistanı və digərləri. İki eyni idarə olunan blok yoxdur", — deyə o bildirib.