BMT: Bütün dövlətlər gərginliyi azaltmaq üçün əllərindən gələni etməlidir

“Biz hər zaman dialoqları dəstəkləyirik, xüsusən gərginliyin artdığı bir vaxtda. Baş katib hesab edir ki, bütün dövlətlər ABŞ-la Rusiya arasında gərginliyi azaltmaq üçün əllərindən gələni etməlidirlər”.

“Report”un yerli bürosu xəbər verir ki, bu fikirləri BMT Baş katibinin sözçüsü Stefan Dujarrik mətbuat konfransında ABŞ və Rusiya münasibətləri barədə danışarkən bildirib.

Sözcü BMT-nin Baş katibi Antoniu Quterreşin ABŞ dövlət katibi Entoni Blinkenin rusiyalı həmkarı Sergey Lavrovla görüşünü yüksək qiymətləndirdiyini deyib. O, bildirib ki, bu görüşdən uğurlu nəticələrin əldə olunacağına ümid edir.