Bloomberg: Avropa İttifaqı Rusiyadan kömür daşınmasına icazə verə bilər

“Avropa Komissiyası (AK) dünyada enerji təhlükəsizliyini təmin etmək məqsədilə Rusiya kömürünün nəqlinə icazə verilməsi imkanını nəzərdən keçirir”.

“Report” xəbər verir ki, bu barədə “Bloomberg” mənbələrə istinadən məlumat yayıb.

Qeyd olunub ki, bu icazə nəzərdən keçirilən Aİ-nin Rusiyaya qarşı sanksiyalarının tətbiqinə dair təlimatlarında əksini tapıb.

Sənəddə deyilir ki, bütün dünyada ərzaq və enerji təhlükəsizliyini təmin etmək üçün müəyyən malların, o cümlədən kömür və əlaqədar məhsulların daşınmasına icazə verilməlidir.

Bundan başqa, təlimatda kömürdən əlavə, gübrə, ağac və bəzi sement məmulatları da qeyd olunub.