Blinken nüvə müharibəsi təhlükəsini dəyərləndirib

“Potensial nüvə müharibəsi təhlükəsi iqlim dəyişikliyinin ekzistensial problemindən daha təhlükəli deyil, bu məsələlərdə iyerarxiya yoxdur”.

“Report” xəbər verir ki, bunu ABŞ dövlət katibi Entoni Blinken deyib.

Onun sözlərinə görə, qlobal istiləşmə dövrümüzün ekzistensial çağırışıdır, lakin bu, beynəlxalq nizam üçün başqa kəskin çağırışların olmaması demək deyil.

“Zamanın ekzistensial çağırışı var, lakin bu, beynəlxalq nizama ciddi çağırışların olmadığı anlamına gəlmir. Rusiyanın Ukraynaya hərbi müdaxiləsi kimi. Biz birdən çox işi yerinə yetirməliyik. Bizi qarşıda bir çox çağırışlar gözləyir və biz onlara eyni vaxtda cavab verməliyik”.