Blinken BMT rəsmisinə taxıl sazişinin müddətinin uzadılmasının zəruriliyini bildirib

ABŞ dövlət katibi Entoni Blinken çərşənbə axşamı BMT baş katibinin müavini Martin Qriffitlə Qara dəniz vasitəsilə taxıl ixracına dair sazişin uzadılmasının zəruriliyi barədə danışıqlar aparıb.

“Report” xəbər verir ki, bu barədə ABŞ Xarici İşlər Nazirliyinin mətbuat xidmətinin rəhbəri Ned Praysın yazılı açıqlamasında deyilir.

Qeyd olunub ki, tərəflər Vaşinqtonda keçirilən görüşdə münaqişə, iqlim dəyişikliyi və pandemiya da daxil olmaqla müxtəlif problemlərin səbəb olduğu rekord humanitar ehtiyacların ödənilməsi üçün davam edən səylərdən danışıblar.