Blinken: “ABŞ nüvə gücləri ilə işləməyə hazırdır”

ABŞ strateji sabitliyi gücləndirmək üçün Çin də daxil olmaqla digər nüvə gücləri ilə işləməyə hazırdır.

“Report” xəbər verir ki, bu barədə ABŞ dövlət katibi Entoni Blinken bildirib.

“Amerika Birləşmiş Ştatları nüvə silahı olan ölkələr arasında təhlükəsiz kommunikasiya kanallarının yaradılmasını əhatə edən hərtərəfli risklərin azaldılması paketinə sadiqdir. Biz riskləri azaltmaq və strateji sabitliyi gücləndirmək üçün Çin və digərləri də daxil olmaqla, bütün tərəfdaşlarla işləməyə hazırıq”- deyə, o bildirib.