Beynəlxalq cinayət məhkəməsi Keniya prezidentinin üzərindən bütün ittihamları götürüb

Bakı. 6 dekabr. REPORT.AZ/ Beynəlxalq cinayət məhkəməsi Keniya prezidenti Uhuru Kenyattanın üzərindən insanlığa qarşı cinayət törətməklə bağlı bütün ittihamları götürüb.

"Report" "Amerikanın Səsi"nə istinadən xəbər verir ki, qərar prokurorluğun məhkəməyə mövqeləri möhkəmləndirmək və ya U.Kenyattanın üzərindən ittihamları qaldırmaq üçün bir həftə müddət verməsindən iki gün sonra elan olunub. 

Qeyd edək ki, Keniyanın prezidenti 2007-ci ilin sonu - 2008-ci ilin əvvələrində seçkilərdən sonra iğtişaşların təşkil olunmasında ittiham olunub. Həmin hadisələr zamanı 1100 nəfər ölüb, yarım milyon insan isə öz evlərini tərk etmək məcburiyyətində qalıb.