Bessent: İrana qarşı iqtisadi təzyiq aylarla davam edə bilər

ABŞ-nin İrana qarşı iqtisadi təzyiqi bir neçə həftə və ya aylarla davam edə bilər.

"Report" xəbər verir ki, bu barədə ABŞ-nin maliyyə naziri Skott Bessent Aşvildə G20 ölkələrinin maliyyə nazirlərinin iclası çərçivəsində jurnalistlərə açıqlamasında bildirib.

"Yaxşı danışıqlar oldu və mən düşünürəm ki, təzyiqi artırmaq üzrə kampaniyamız bir neçə həftə və ya ay davam edə bilər", - o deyib.

Artan sanksiya təzyiqi altında qalan İran iqtisadiyyatının nə vaxt çökəcəyi barədə suala o deyib:

"İqtisadiyyat mütləq çökməli deyil. Sadəcə İran rejimi ağlını başına yığmalıdır".