Bəqai: Hörmüzün minalardan təmizlənməsində xarici yardıma ehtiyac yoxdur

Hörmüz boğazının minalardan təmizlənməsi üçün xarici yardıma ehtiyac yoxdur.

"Report" "Al Jazeera"ya istinadən xəbər verir ki, bunu İran Xarici İşlər Nazirliyinin rəsmi nümayəndəsi İsmayıl Bəqai bildirib.

Onun sözlərinə görə, Hörmüz boğazına aid məsələlərə hər hansı kənar müdaxilə cəhdləri "xoş niyyətlərdən irəli gəlmir" və yalnız gərginliyin artmasına gətirib çıxaracaq.

İ.Bəqai, həmçinin qeyd edib ki, boğazın minalardan təmizlənməsi ilə bağlı bütün aspektlər artıq mövcud qarşılıqlı anlaşma memorandumunda qeyd edilib, buna görə də digər ölkələrin iştirakına ehtiyac yoxdur.