Belçika meymunçiçəyi xəstələri üçün 21 günlük karantin tətbiq edir

Belçika hakimiyyəti meymunçiçəyi xəstəliyinə yoluxanlar üçün 21 günlük karantin tətbiq etmək qərarına gəlib.

"Report" xəbər verir ki, bu barədə yerli "La Libre Belgique" qəzeti məlumat yayıb.

Qərar ölkədə xəstəliyə 3 yoluxma aşkar edildikdən sonra risk qiymətləndirmə qrupunun iclasından sonra qəbul edilib.

Meymunçiçəyi virusu aprel və may aylarında Qərbi Avropanın bir sıra ölkələrində, eləcə də digər qitələrdə yayılıb.