Bəhreynin İsraildəki səfirliyi ilin sonunda açılacaq

Bəhreynin İsraildəki səfirliyinin açılışı 2021-ci ilin sonuna qədər baş tuta bilər.

“Report” xəbər verir ki, bunu İsrailin xarici işlər naziri tvitter hesabında yazıb.

Lapid bəhreynli həmkarı ilə səfirliyin açılması barədə razılaşmanın əldə edildiyini qeyd edib.

Bəhreynin İsraildəki ilk səfiri Xalid Yusif əl-Cəlama olacaq.

Qeyd edək ki, bu gün Manamada İsrailin diplomatik missiyası fəaliyyətə başlayıb.