Birləşmiş Ərəb Əmirliklərində (BƏƏ) "omikron" ştamının ilk daşıyıcısı qeydə alınıb.
"Report" xəbər verir ki, bu barədə VAM dövlət xəbər agentliyi ölkənin Səhiyyə Nazirliyinə istinadən məlumat yayıb.
İnfeksiya Afrikadan BƏƏ-yə gələn qadında aşkarlanıb. Yeni ştamın daşıyıcısı COVID-19-a qarşı iki doza ilə peyvənd olunub. Hazırda yoluxan şəxs karantindədir və yerli həkimlərin nəzarətindədir.
Noyabrın 29-dan etibarən BƏƏ "omikron" ştamının yayılması ilə əlaqədar Afrikanın 8 ölkəsindən girişi dayandırıb.