Bayden Çinə qarşı sanksiyaların müddətini daha bir il uzadıb

ABŞ Prezidenti Cozef Bayden Honqkonqdakı vəziyyətlə əlaqədar Çinə qarşı tətbiq edilən sanksiyaların müddətini daha bir il uzadıb.

“Report” xəbər verir ki, bu barədə Ağ Evin yaydığı bəyanatında deyilir.

“Honqkonqdakı vəziyyət, o cümlədən Çinin Honqkonqun muxtariyyətini pozmaq üçün atdığı son addımlar ABŞ-ın milli təhlükəsizliyi, xarici siyasəti və iqtisadiyyatı üçün həddindən artıq təhlükə yaratmaqda davam edir.

Bu səbəbdən 14 iyul 2020-ci ildə elan edilmiş milli fövqəladə rejim 14 iyul 2022-ci il tarixindən sonra da davam etməlidir. Honqkonqdakı vəziyyətlə əlaqədar milli fövqəladə rejimin müddətini bir il müddətinə uzadıram”, - Baydenin adından yayılan bəyanatda bildirilib.