Barro: Fransa İsrail yaşayış məskənləri ilə ticarəti dayandıracaq

Fransa daha 11 ölkə ilə yanaşı, İordan çayının Qərb sahilindəki İsrail yaşayış məskənləri ilə ticarəti dayandıracaq.

"Report" xəbər verir ki, bu barədə Fransanın Avropa və xarici işlər naziri Jan-Noel Barro "X" sosial şəbəkəsində bildirib.

O vurğulayıb ki, yaranmış vəziyyət İsrail və Fələstin arasındakı münasibətlərin yalnız gərginləşməsinə xidmət edəcək.

"İsrailin təhlükəsizliyinə dair ciddi zəmanətlər olmadan Yaxın Şərqdə heç bir davamlı sülh mümkün deyil... Fransa həm israillilərin, həm də fələstinlilərin təhlükəsizliyinə, eləcə də regionda sülh və sabitliyə təhlükə yaradan vəziyyəti öz ticarəti vasitəsilə dəstəkləyə bilməz. Avropa da eyni tələbə riayət etməlidir", - Barro vurğulayıb.