Yuxarı

Barak Obama İraqa qoşun yeritməkdən imtina edib

Terrorla mübarizə kampaniyası aviasiyadan istifadə etməklə və tərəfdaşların qüvvələrinin dəstəyi ilə aparılacaq

Bakı. 11 sentyabr. REPORT.AZ/ ABŞ prezidenti Barak Obama "İslam dövləti" qruplaşması ilə mübarizə üçün İraqa qoşun yeritməkdən imtina edib. Report Reuters agentliyinə istinadən xəbər verir ki, bu barədə dövlət başçısı terrorun məhv edilməsinə həsr olunan nitqində deyib. 

Obama bəyan edib ki, ABŞ "Suriya və İraqda və ya istənilən digər yerdə yaraqlılarla mübarizə koalisiyasına" başçılıq edir. 

"Biz ordumuzu döyüşmək üçün başqa dövlətin ərazisinə yeritməyəcəyik. Terrorla mübarizə kampaniyası aviasiyadan istifadə etməklə və tərəfdaşların qüvvələrinin dəstəyi ilə aparılacaq" - deyə, Barak Obama qeyd edib.

ABŞ prezidenti İraq hökumətinə və İraq Kürdüstan Regional Hökumətinə "təcili hərbi yardım" üçün 25 mln. dollar vəsait ayırıb. Ehtimal olunur ki, bu vəsait kadrların hazırlanmasına sərf olunacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi