Banqladeşdə fillər Myanma müsəlmanlarının düşərgəsinə hücum edib, 2 nəfər ölüb, 5-i yaralanıb

Digər ölkələr

18 sentyabr, 2017
10:40

Banqladeşdə fillər Myanma müsəlmanlarının düşərgəsinə hücum edib, 2 nəfər ölüb, 5-i yaralanıb

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 18 sentyabr. REPORT.AZ/ Banqladeşlə Myanma sərhədində vəhşi fillər qaçqınların düşərgəsinə hücum edib.

"Report"un "Reuters"ə istinadən verdiyi xəbərə görə, faciə Koks-Bazar şəhərində baş verib.

Nəticədə fillər 2 rohinca qaçqınını tapdalayaraq öldürüb, 5-ni isə yaralayıb. Ölənlər - 55 yaşlı kişi və 2 yaşlı uşaqdır.

Xəsarət alanlar yerli xəstəxanaya çatdırılıb.

Qeyd edək ki, Banqladeş ərazisindəki qaçqın düşərgəsində məskunlaşmış müsəlman rohincalar Myanma Silahlı Qüvvələrinin təqiblərdən qaçırlar. Cari il avqustun 25-dən sentyabrın yarısınadək Rakhayn ştatından Banqladeşə 410 mindən artıq rohincalı keçib. Banqladeş ərazisində sərhəd boyu yerləşən qaçqın düşərgələri artıq dolub.

İslam dini