Banqladeşdə bərənin yanması nəticəsində ölənlərin sayı artıb

Banqladeşdə bərədə baş verən güclü yanğın nəticəsində ölənlərin sayı artıb.

“Report”un xəbərinə görə, bu barədə rəsmi mənbələrə istinadən “Sinxua” agentliyi məlumat yayıb.

Hadisə nəticəsində azı 39 nəfərin öldüyü bildirilir.

Bununla yanaşı, yanğın zamanı xəsarət alanların sayı da açıqlanıb. Məlumata görə, bu rəqəm 70 nəfər təşkil edir.

Xatırladaq ki, hadisə dünən səhər baş verib. Yanğının başvermə səbəbi hələ məlum deyil.