Baltik dənizində gəmi qəzasından sonra yanacaq sızıntısı baş verib

Baltik dənizində ötən gecə iki yük gəmisinin toqquşması nəticəsində çevrilən Danimarkaya məxsus gəmidən dənizə yanacaq sızıntısı baş verib.

“Report” xarici KİV-ə istinadən xəbər verir ki, həmin gəmi limana gətiriləcək.

Hadisə nəticəsində dənizə düşən 2 nəfərin itkin düşdüyü bildirilir. Onların axtarışına 8 kater və 1 helikopter cəlb edilib.

10:46

Baltik dənizində, İsveç sahilləri yaxınlığında ötən gecə Böyük Britaniya və Danimarkaya məxsus iki yük gəmisi toqquşub.

“Report” İsveç KİV-nə istinadən xəbər verir ki, İsveçin İstad və Danimarkanın Bornxolm limanları arasında baş verən hadisə zamanı gəmilərdən biri batıb. Hadisə nəticəsində 2 nəfərin suya düşdüyü bildirilir.

İsveç Dənizçilik Administrasiyasından bildirilib ki, batan gəmidə neçə insanın olduğu hələlik bilinmir. Hadisə yerində axtarış xilasetmə işləri aparılır.