Bağdadda partlayış olub, 32 nəfər ölüb, 25 nəfər yaralanıb

Bakı. 16 fevral. REPORT.AZ/ İraqın paytaxtı Bağdadın cənubunda içərsində partlayıcı quraşdırılan avtomobilin partladılması nəticəsində ən azı 32 nəfər ölüb, 25 nəfər yaralanıb.

“Report” “Reuters”ə istinadən xəbər verir ki, məlumatı yerli polis yayıb.

İnformasiyaya əsasən, hadisənin törədilməsində istifadə edilən partlayıcı avtomobil qarajlarının çox olduğu yerdə saxlanılıb.