Bağdada hava zərbəsi endirilib, ölənlər var

İraqın paytaxtı Bağdadda "Al-Haşed Aş-Şaabi" şiə qoşununun avtomobil karvanına hava zərbəsi endirilib.

“Report”un məlumatına görə, bu barədə RİA “Novosti” agentliyinə təhlükəsizlik xidmətindəki mənbə bildirib.

Məlumata görə, hadisə paytaxtın şimalında baş verib. Zərbə nəticəsində azı beş nəfər öldürülüb.

"Al-Haşed Aş-Şaabi"nin avtomobil karvanı bombardmana məruz qalıb. İlkin məlumatlara görə, beş nəfər həlak olub. Ölənlərin adları müəyyən edilməyib", - mənbə agentliyə bildirib.