Bağdad aeroportu raket atəşinə məruz qaldı

İraqın paytaxtı Bağdadın beynəlxalq aeroportunun ərazisinə raket düşüb.

“Report” xəbər verir ki, bu barədə hərbçilərə istinadən “Reuters” agentliyi bildirib.

Agentliyin məlumatına görə, döyüş sursatı Bağdaddan qərbdəki yaşayış məntəqələrindən birindən buraxılıb. Hava limanına hər hansı ciddi zərərin vurulması barədə informasiya yoxdur.

Hücumun arxasında hansı silahlı qruplaşmanın dayandığı hələ məlum deyil.