BAEA öz nümayəndələrini Zaporojye AES-də saxlayacaq

Atom Enerjisi üzrə Beynəlxalq Agentlik (AEBA) öz nümayəndələrini Zaporojye AES-də saxlayacaq.

"Report" TASS-a istinadən xəbər verir ki, bu barədə Agentliyin baş direktoru Rafael Qrossi bildirib.

"AEBA nümayəndələri, ekspertləri Zaporojye stansiyasında qalırlar. Bu gün biz kifayət qədər çox şey görmüşük, ilk qiymətləndirməyə başlamışıq, daha sonra təhlil edəcəyik, lakin siz bilməlisiniz ki, ekspertlər stansiyada qalırlar", - o deyib.