Avstriya DİN: Aleksander Van der Bellen rəqibini üstələyib

Bakı. 4 dekabr. REPORT.AZ/ Avstriya "yaşıllar"ının keçmiş rəhbəri Aleksander Van der Bellen prezident seçkilərində rəqibi Norbert Xoferi 3,4 faiz qabaqlayıb.

"Report" xəbər verir ki, bu barədə Avstriyanın Daxili İşlər Nazirliyinin saytına yerləşdirilmiş rəsmi məlumatda qeyd edilir.

Məlumata görə, 72 yaşlı Van der Bellen 51,7 faiz seçici səsini toplayıb. Avstriya Azadlıq Partiyasının prezidentliyə namizədi, 45 yaşlı Xofer isə rəqibindən geri qalaraq 48,3 faiz səs toplayb.

Qeyd edək ki, Xofer məğlub olduğunu etiraf edib.