Avstraliya Meteorologiya Bürosu müşahidələr tarixindəki ən isti günü qeydə alıb.
"Report" RİA "Novosti"yə istinadən xəbər verir ki, dekabrın 17-də havanın istiliyi 40,9 ºC-yə qədər yüksəlib.
Büronun "Twitter" səhifəsində yer alan məlumata görə, bununla da 2013-cü il yanvarın 7-də qeydə alınan 40,3 ºC-lik əvvəlki rekord qırılıb.
Qeyd edək ki, Avstraliyada noyabrın əvvəlində yeni yanğın dalğaları başlayıb. Əhali arasında itkilər var. Yanğın artıq 1 milyon hektardan çox meşə sahəsini, o cümlədən koalaların yaşayış yerlərini məhv edib.