Avstraliyada iki helikopter toqquşub, ölən və yaralananlar var

Avstraliyanın şərq sahillərində, Qold Kost şəhəri yaxınlığında iki helikopter toqquşub. Nəticədə 4 nəfər ölüb, 13 nəfər yaralanıb.

“Report” xəbər verir ki, bu barədə yerli “7news” qəzeti məlumat yayıb.

Nəşrin məlumatına görə, 3 nəfərin vəziyyəti ağırdır.

Hadisə “Sea World” əyləncə parkının yaxınlığında baş verib. Hadisə şahidlərinin sözlərinə görə, helikopterlərdən biri havaya qalxarkən, digəri isə eniş edərkən toqquşublar. Toqquşma nəticəsində iki helikopterdən biri qumluğa enməyi bacarıb, digəri isə suya düşüb. “Sea World” müvəqqəti olaraq bağlanıb. Avstraliya Nəqliyyat Təhlükəsizliyi Bürosu araşdırmaya başlayıb.