Avropa İttifaqı və ABŞ Yaxın Şərqdəki münaqişənin genişlənməsinin qarşısını almaq niyyətindədir

Avropa İttifaqı və ABŞ Vaşinqtonda keçirilən sammitdə Yaxın Şərqdəki münaqişənin bütün regiona yayılmasının qarşısını almaq üçün birgə işləmək barədə razılığa gəliblər.

“Report” xəbər verir ki, bu barədə sammitin yekun bəyanatında deyilir.

Qeyd olunub ki, Fələstin-İsrail münaqişəsinin regional eskalasiyasının qarşısını almaq əsas məsələdir.

Bəyanatda HƏMAS-ın İsrailə hücumu pislənib və bütün girovların dərhal azad edilməsinə çağırış edilib, İsrailin beynəlxalq humanitar hüquq çərçivəsində özünümüdafiə hüququ bir daha təsdiqlənib.

Səkkiz səhifəlik sənəddən bir qısa abzas İsraildəki münaqişəyə həsr olunub.