Atlantik okeanında kustar sualtı qayıqdan istifadə edən kolumbiyalı qaçaqmalçılar saxlanılıb

İspaniya Atlantik okeanında “narko-sualtı qayıq” adı verilən gəminin ekipajının saxlanıldığını elan edib.

"Report" xəbər verir ki, bu barədə "Euronews" məlumat yayıb.

Bildirilib ki, Kadisdən 450 kilometr aralıda qaçaqmalçılar İspaniya Vergilər Agentliyinin Gömrük Nəzarəti Xidmətinin gəmisi tərəfindən təqibə alınıb.

Məlumata görə, o, qayığa yaxınlaşan kimi ekipaj alt klapanları açıb və gəmini yükü ilə birlikdə batırıb.

Qeyd olunub ki, kolumbiyamənşəli sualtı qayığın dörd ekipaj üzvü saxlanılıb.