"Hörmüçək adam" filmində oynayan amerikalı aktyor vəfat edib

Bakı. 25 sentyabr. REPORT.AZ/ "Hörmüçək adam", "Lazım olduğu kimi et" və "Pianoçu haqqında əfsanə" kimi filmlərdə oynadığı rolları ilə məşhur olan amerikalı aktyor Bill Nann şənbə günü 63 yaşında vəfat edib.

"Report" xəbər verir ki, bu barədə rejissor Spayk Li "Facebook" səhifəsində yazıb.

Li bildirib ki, akytor şənbə günü səhər Pensilvaniya ştatının doğma Pittsburq şəhərində dünyasını dəyişib. O, Bill Nannın nədən öldüyünü yazmayıb.