​Almaniyada türklərin sıx yaşadığı şəhərdəki binada yanğın olub: 2 sakin ölüb, 28-i yaralanıb

Bakı. 17 may. REPORT.AZ/ Almaniyanın Duysburq şəhərində 4 mərtəbəli binada baş verən yanğın nəticəsində iki sakin ölüb, 28 nəfər yaralanıb.

"Report" xəbər verir ki, bu haqda Türkiyə KİV-i məlumat yayıb.

Yaralılardan 3 nəfərinin vəziyyəti ağırdır.

İnformasiyaya əsasən, yanğının söndürülməsinə 90 nəfər cəlb edilib və onun söndürülməsinə bir neçə saat sərf olunub.

Qeyd edək ki, Duysburq şəhəri türklərin sıx yaşadığı yerlərdəndir.